14 лютага ў музычнай зале ўстановы дашкольнай адукацыі музычным кіраўніком Ірынай Мікалаеўнай Брытых з выхаванцамі старэйшай групы №8 быў праведзены тэматычны занятак «Скарбонкі нашай старонкі».

   Гэта была цікавая сустрэча з лялькай Марусей і чароўным куфарам, у якім захаваліся загадкі, прымаўкі, народныя гульні, песні, беларускія танцы. Дзеці з задавальненнем удзельнічалі ў занятку, адказвалі на пытанні, спявалі песні на беларускай мове, танцавалі беларускі народны танец «Весялуху», гралі ў аркестры на народных музычных інструментах, гулялі ў рухомую гульню «Хто хутчэй». Таксама выхаванцы пазнаёміліся з новай песня «Жураўлі на Палессе ляцяць» (муз. І. Лучанка, сл. А. Ставера), якая прагучала ў запісу гурта «Песняры». Прыемна, што гэта кампазіцыя выклікала эмацыянальны водклік у дзяцей, яны адчулі ў словах і мелодыі  любоў паэта і кампазітара да роднай Беларусі.

   Такім чынам, праз творы музычнага мастацтва і беларускі фальклор педагог далучае дзяцей да роднай культуры, выхоўвае ў іх пяшчотныя пачуцці да сваёй краіны, гонар за беларускі народ.